Galinux
Índice |
[editar] Que é Galinux?
Galinux é un sistema operativo completo, de fonte aberta, que vén configurado para poder empregar calquera computador compatíbel no noso idioma propio: o galego.
Non son precisos coñecementos técnicos especiais para poder beneficiarse das vantaxes básicas de Galinux, pois inclúe automaticamente os programas informáticos máis empregados: para navegar pola Internet, acceder ao correo electrónico, escoitar música, escribir documentos de texto, facer gráficas e cálculos, ver vídeos ou películas, compartir ficheiros, conversar por mensaxería instantánea e moito máis.
Con Galinux disporá dun contorno de escritorio fiábel, seguro e sempre actualizado, xa que ao estar baseado na popular distribución nomeada Ubuntu poderá recibir periodicamente as actualizacións gratuítas que son distribuídas para ter o seu equipo ao día. E para resolver as cuestións máis frecuentes, non o dubide: pregunte na Rede a calquera dos milleiros de persoas que tamén empregan Ubuntu.
[editar] Copialo é legal?
Galinux é software libre, así que vostede é libre de copialo e reinstalalo, cantas veces queira, en tantos computadores como desexe de forma completamente legal e gratuíta. Tamén pode modificalo para adaptalo ás súas propias necesidades e mesmo redistribuílo no seu contorno. É software libre, así que: anímese e compártao!
[editar] Obter un exemplar do CD de Galinux
Pode obter unha copia do CD de Galinux acudindo a un dos puntos de distribución da Rede de Dinamización da Sociedade da Información.
Se vai organizar algunha actividade e quere distribuír entre os asistentes exemplares de Galinux, non ten máis que enviarnos por correo electrónico a súa solicitude indicando a actividade e o número de CD de Galinux que precisaría e poñerémonos en contacto con vostede para facerllos chegar.
[editar] Descarga
- Galinux LTS: Versión que se distribúe no CD de Galinux. Está baseada en Ubuntu 8.04 LTS, por tratarse dunha versión cun período de actualizacións máis longo do habitual. Isto garántelle que o seu sistema recibirá actualizacións de seguridade ata mediados de 2011.
- Galinux - última versión: Descarga recomendada se vostede quere ter Galinux baseado na última versión de Ubuntu 9.04, ben por problemas de compatibilidade co seu hardware, ben porque prefire dispoñer das últimas versións dos aplicativos.
[editar] Instrucións de instalación de Galinux
Se desexa instalar Galinux no seu computador, as instrucións que debe seguir serán diferentes en función do sistema operativo que teña instalado.
[editar] Instrucións para instalar Galinux
Guía paso a paso para a instalación de Galinux, se non ten instalado no seu computador nin Galinux nin Ubuntu.
[editar] Instrucións para usar o repositorio de Galinux en Ubuntu
Guía para obter Galinux a partir dunha instalación base de Ubuntu, ou para galeguizar a nosa Ubuntu.
[editar] Instrucións para actualizar unha versión anterior de Galinux
- Actualizar dende Galinux 8.04 a Galinux 8.10: Guía paso a paso para a actualización de Galinux 8.04 LTS á versión 8.10.
- Actualizar dende Galinux 8.10 a Galinux 9.04: Guía paso a paso para a actualización de Galinux 8.10 á versión 9.04
NOTA: Se ten instalado Galinux 8.04 e quere actualizar á última versión Galinux 9.04 debe facelo en dúas fases, primeiro actualizar a Galinux 8.10 e logo a Galinux 9.04.
[editar] Instalación de complementos no Galinux
Guía de instalación de complementos coma o plugin de Flash ou a máquina Virtual de Java no Galinux.
[editar] Máis información sobre Galinux
[editar] Quen promove Galinux?
Galinux é unha iniciativa da que foi a Dirección Xeral de Promoción Industrial e da Sociedade da Información, da anterior Consellaría de Innovación e Industria (Xunta de Galicia) enmarcada no Plano Estratéxico Galego da Sociedade da Información (PEGSI 2007-2010).
Este proxecto resulta posíbel grazas ás achegas da comunidade internacional de software libre da que forman parte empresas como Canonical ou Sun e fundacións como Mozilla. Teñen especial importancia as achegas da comunidade de tradución de software ao galego (g11n) coa coordinación de Mancomún, Centro de Referencia e Servizos de Software Libre.
[editar] Outros recursos
No Manual de identidade visual atopará as pautas para a correcta utilización da imaxe gráfica de Galinux.
Tamén ten á súa disposición os logotipos de Galinux en distintos formatos.
